Bookmark and Share
<:site de l'Ursden CGT NICE:>

Compte rendu du Conseil Académique des Langues Régionales. En Niçois

dimanche 29 janvier 2012.
 

Conselh Academic dei Lengas Regionali, lo 24 de genoier dau 2012 nòtas da Joan-Pèire Spies


Presentacion, da Monsur Vernisse, Segretari Generau
que si congratula qu'aqueu Conselh vengue regular.

Monsur Betti, Conselher dau Rector

fa lo bilanç dai avançadas sus lo plan academic despí genoier dau 2010 (veire document preparatòri) :
En generau : mai de consideracion per la lenga.
Plaças : messa en coërencia mai bòna de l'oferta en lu cantons.
Dubertura dau C.R.P.E.
Despositius noveus : certificacion (2nd grado), D.C.L.
Formacion : 4 estagis per lo second grado, otis pedagogics noveus, Project Comenius Regio
Convencion : partenària embé lo Teatre Niçard de Francis Gag.

Monsur Salles Lousteau, Inspector Regionau, s'enavisa de :

l'arrivada dei lengas regionali a paritat embé li autri matieras en lu programmas noveus, en vista dau Bac nouveu dau 2013
la creissença regulara de l'ensenhament
la normalizacion de la lenga
mas
la mancança d'ensenhaires
la mancança de candidats per l'ensenhament dei lengas
(propòstas: borsas d'encoratgament ai estudiants (coma en region Bretanha, Aquitània)
convencions rectorat-Region (coma en Aquitània, Miegjorn-Pireneus)
creacion d'un Ofici Publis de la Lenga (coma fach per lo Breton, lo Basc) per establir un plan de desfolopament credible)
desquilibre 1er /2nd grado
una classa bilinguë basta, alora qu'un tau establiment recampa li dinamicas e li energias
mancança dins l'ensenhament professionau.

Monsur Fabre, Conselher Pédagogic en Var

presença en Var de 4 mòdas d'intervencion : sensibiliscion, iniciacion, ensenhament, bilinguïsme
Creacion d'un otis de validacion dau niveu A2 e A1.

Madama Ottombre, directritz dau C.R.D.P.

Es uroa de la perseguida de la colaboracion e li agrada de presentar la publicacion novela : Conjugar en Niçard.

Madama Daeden, responsabla dau DARIC,

dona d'informacions sus lo project Comenius Regio :
L'Euròpa ajuda a desfolopar lo bilinguïsme. Finança de project especifics de colaboracion, aquesto es fach tra lo rectorat de Pimont e lo Conselh Generau dei A.M. (pilha la plaça dau rectorat de Niça que non lo pòu faire segon la lei ?)

Objectius:

Valorizacion dei lengas regionali
Valorizacion de l'istòria comuna
Organizar de rescòntres e d'escambis tra lu magistres alentorn d'un programa de formacion
Creacion de materiau pedagogic comun noveu.

Monsur Clot (SNES)

favorable a una oferta larga, estacat au desfolopament des lengas miegterranei
mas mancança de mejans, messa en concurencia dei lengas (que fa de mau au Còrse au Parc Imperial)
una respòsta : crear de pòstes vers.
s'enavisa que lu elegits son manco presents.

Parent (PEEP)

Li es un concurencia tra l'occitan e li lengas forestieri.

Associacion des Cónsols de Var

Lu elegits son pas pron assabentats.

Monsur Betti

Lu elegits son de partenaris, donan d'informacions sus lo sieu siti (C.G.), son pagaires tanben.
Venon mai ai manifestacions de remesas dei premis.

Monsur Vernisse

Es ver, li es una concurencia (l'italian s'escalha, l'espanhòu creisse)
Pura, per l'occitan, 500 escolans de mai en doi ans, es mai ben que la desfensa de la lenga.
Per lu mejans, maugrat la situacion financiera tenduda, li oras-pòste son estadi mantengudi, la dubertura ai d'ensehaires d'autri acadèmias (CAPES ou certificacion) permete la releva.
Caurà anonçar lo CRPE mai leu que l'an passat.

Parent (FCPE)

Manca d'ensenhaires, mas cau donar envueia leu leu, despí la mairala, en primari.
Cau faire que non li sigon de roturas dins l'escolaritat.
Cau faire mai ben per informar lu parents e lu escolans.
Cau armonizar mai ben lu oraris.
Siam luenh dau 90 de cent en primari.

Monsu Lassalle Lousteau

Per faire avança la lenga, cau que 30 de cent dei escolans l'emparon, en dessota continua de descréisser.
Es una causida politica. Es important que lu elegits pilhon la sieu plaça en aqueli causidas.
Una classa bilinga permete d'assegura la releva detz ans après.
Si pòu demandar se fa mestier la lenga au jorn d'ancuei.
Au D.C.L., li son mai de candidats per li lengas regionali que per li lengas forestieri.
En Bretanha, li son mai de 1000 plaças que lo breton fa mestier.
De centenaus per l'occitan.
La competencia en lenga es una carta mestressa, en l'encastre de l'Euròpa.
Lu programas en lenga regionala son coma lu autres, lo cau faire asaupre.

Monsur Vernisse

Bessai l'informacion es debla. Mas siguet messa au jorn l'esfòrç per evitar li roturas dins lu cursus.
Es important de gardar lo malhum.

Monsur Betti

La question vertadiera es aquela de la mantenença de l'ensenhament, dei oras.

Monsur Vernisse

Siam a tornar faire una mapa.
Li a minga comuna dont la referença a la lenga non es presenta (festas, curtura, terrador, eca)
D'en pertot la lenga es un vector de valorizacion.
Tocas, en l'encastre dau project academic 2010-2014 : estabilitat dei pòstes, contunia dau desfolopament de l'oferta, recampament quora n'i a da besonh per de grops pichins de tròup. Siam a mieg camin.
Cau aremarcar qu'es malaisat d'aver de professors, per toto li lengas.

Monsur Spies (CGT)

Aí, va de l'avant, mas es una grana deblessa en lo 1er grado (A.M.)
Li a ren d'envam (pas de pòste de conselher pedagogic) per lo despartament.
Lu joves magistres qu'an augut lo CRPE non an la possibilitat de perseguir de projects d'ensenhament (ren de stabilitat, pòstes despeçats).
Cau crear li condicion d'un cursus dins una escòla, despí la mairala fins au cicle 3, embé la seguida au colègi e au liceu.
Cen que son lu mejans per lo faire ? Pòstes saetats ? Escòla bilinga ?

Monsur Vernisse

Aqueli demandas seràn fachi a l'Inspector d'Acadèmia que farà respòsta.

Parent (PEEP)

Es necite e important de pòrger l'ensanhament de l'occitan dins l'ensanhament professionau, sobretot en lu mestiers dau torisme.

Monsur Lassalle Lousteau

La lenga es souventi fes usitada per valorizar la region.

Monsur Pasquetti (Associacion des Professors de Lengas Regionali)

Evolucion positiva, si pensa qu'es lo fach de l'accion de toi lu partenaris.
L'associacion vòu que vague mai luenh. Demanda :
De pòstes que non bolegan per toi lu professors.
Una oferta mai larga, e un incit ai Principaus e Provisors facha dau una nòta rectorala.
Un travalh comun Rectorat/IA/APLR per la realizacion d'una plaqueta d'informacion.
Lo restabliment d'un pòste de Conselher Pedagogic per li lengas regionali en lu A.M.
La realizacion d'una mapa de l'ensenhament de l'occitan de la mairala a l'Universitat dins l'acadèmia.

Monsur Rocca (Associacion Lo Sorgentin)

Lo Sorgentin ajuda dins la formacion dei adults. A travalhat embé l'E.N. despí lo 1977. L'associacion a sempre respondut d'acòrdi, e anerà de l'avant parrier.

Monsur Oberti (Federacion dei associacions de la Contea de Niça)

Si congratula de la colaboracion embé lo CRDP per la publicacion de Conjugar en Niçard, anonça la publicacion venenta d'un imatgier.

Monsur Gagliolo (SNALC) et (Teatre Niçard de Francis Gag)

Succès de la convencion tra lo Rectorat e lo Teatre Niçard de Francis Gag, mai de 700 joves an augut un banh de lenga en lo 2011. Es un reconoissença dobla : dau travalh de l'associacion, pi tra ela, dau travalh de toti li associacions.

Parent (PEEP)

Cau que l'option sigue atractiva, per d'oraris ben fachs, mai d'oras.
Quant d'escolans per durbir un cors ?

Monsur Betti

Li es pas de chifra, soventi fes un detzenau.
Son de crucis per toi lu caps d'establiment de faire des causidas e d'organizar lu ensenhaments.

Monsur Vernisse

Lu progres son estats dichs.
Son des lumes verds dins un moment malaisat.
Cau usitar toi lu mejans, toti li dralhas.
Cau continuar a travalhar ensems.

Parent (FCPE)

Si pòu aver una creissença de la DGH dei establiments ?

Monsur Vernisse

Cada responsable, au sieu niveu (rectorat, IA, cap d'establiment) deu rationalizar embé lu mejans que li son donats.

Cau usitar toti li complementaritats.